Senior Innovation Lab

"Senior Innovation Lab (SIL) é unha experiencia educativa que se leva desenvolvendo os tres últimos cursos na Universidade de Santiago de Compostela para promocionar as capacidades de emprendemento e innovación arredor da lonxevidade da nosa poboación.

Ademais da formación presencial en formato hackaton (8 horas nunha sesión formativa única de mañá e tarde), a formación compleméntase con dúas sesións de traballo en liña (un kick-off meeting no que traballar as expectativas e presentar os conceptos, e unha de peche na que traballar o plan de comunicación), traballo autónomo grupal (pecha da idea innovadora e preparación da información en liña) e individual (preparación do dossier no que se recollan as distintas accións formativas e as implicacións para o proceso de aprendizaxe).  

Campus de Santiago

• venres 17 de novembro de 2023
• de 09:30 a 14:00 horas e de 16:30 a 19:00 horas
• no Centro de Estudos Avanzados, Parque de Vista Alegre, rúa Salvadas, Santiago de Compostela

Campus de Lugo

• xoves 23 de novembro de 2023
• de 09:30 a 14:00 horas e de 16:30 a 19:00 horas
• na EPS de Enxeñaría, rúa Benigno Ledo, Lugo

Recoñecemento de créditos: 1 ECTS para alumnado de grao.

Recoñecido pola EDIUS para estudantes de doutoramento.

Experiencia formativa financiada polo proxecto DeepInventhei (https://eit-hei.eu/projects/deep-inventhei/), que coordina a Universidade de Oporto dentro da iniciativa EIT-HEI do European Institut of Technology, orientada a promover as competencias de innovación e emprendemento nas universidades europeas.

Senior Innovation Lab é unha experiencia interxeracional, na que participan alumnado de grao, master, doutoramento e IV Ciclo.