Disponse como un instrumento formativo e divulgativo baseado en recursos audiovisuais e Internet capaz de chegar a extensas audiencias, orientado ao cambio de paradigma no xeito de abordar o fenómeno social da discapacidade que significa a Convención sobre os Dereitos das Persoas con Discapacidade de Nacións Unidas.
A visión de Diversia é lograr unha apreciación práctica xeneralizada da cultura dos dereitos humanos e da inclusión da diversidade na súa conexión co fenómeno social da discapacidade.
O seu obxectivo é achegar elementos de enriquecemento cultural para o desenvolvemento de boas prácticas a través do fomento do coñecemento académico e da experiencia, dos proxectos creativos e o discurso dende unha perspectiva de inclusión e vida independente, mediante o achegamento ás propostas e ás iniciativas das persoas con diversidade funcional e das organizacións sociais aliñadas coa Convención sobre os Dereitos das Persoas con Discapacidade de Nacións Unidas, así como ás institucións e Administración públicas, alentando un debate intelixente para apoiar a efectividade dos dereitos humanos das persoas discapacitadas na sociedade.