As orixes do centro sitúanse no ano 1849 coa creación da Escola Normal Superior de Mestres da Universidade de Santiago de Compostela. A actual Facultade de Ciencias da Educación creouse en 1996 e oferta 11 titulacións oficiais: catro grados, cinco másteres e dous programas de doutoramento, todos eles cunha gran demanda. O seu Programa de Doutoramento en Educación é o de maior demanda da USC e o segundo máis demandado en Ciencias da Educación no Estado español. A facultade está fisicamente dividida en dous edificios, un no campus norte e o outro no campus vida.