Máster Universitario en Igualdade, Xénero e Educación

• Memoria do título

Obrigatorias: 60
Prácticas externas obrigatorias: 15
Traballo fin de máster: 15
Total: 60

Non se contemplan

Este máster ten como finalidade a formación de profesionais que poidan impulsar a implementación de accións favorecedoras da igualdade de xénero, a chamada perspectiva de xénero, en todas as esferas sociais, políticas, económicas e laborais, de acordo coa normativa.

Modalidade: criterios xerais

Titulacións de acceso:

Ciencias Sociais e Xurídicas, Humanidades, Ciencias Experimentais e Ciencias da Saúde.

Información actualizada en cada convocatoria de matrícula

Mobilidade

A súa planificación e xestión desenvólvese a través da Vicerreitoría de Relacións Institucionais e do Servizo de Relacións Exteriores da Universidade, en coordinación coa Facultade a través da “Unidade de apoio á xestión de centros e departamentos” (UAGCD) e do vicedecano/a responsable de programas de intercambio.
As facultades, ademais dos responsables citados arriba, conta coa colaboración de varios profesores/as que actúan como coordinadores académicos, e cuxa función é titorizar e asistir nas súas decisións académicas aos estudantes propios e de acolleita.
A selección das candidatas e os candidatos lévase a cabo, para cada convocatoria ou programa, por unha Comisión de Selección, composta polo decano ou decana, o vicedecano ou vicedecana responsable de programas de intercambio, o/a responsable da UAGCD e os/as coordinadores académicos, de acordo con criterios de baremación, previamente establecidos, que teñen en conta o expediente académico, unha memoria e, no seu caso, as competencias en idiomas que esixe a Universidade de destino.
A Universidade, a través da Oficina de Relacións Exteriores, mantén un sistema de información permanente a través da web, que se complementa con campañas e accións informativas específicas de promoción das convocatorias. Ademais, conta con recursos de apoio para os estudantes de acolleita, tales como a reserva de prazas nas Residencias Universitarias, ou o Programa de Acompañamento de Estudantes Estranxeiros (PAE) da Vicerreitoría de Relacións Institucionais, a través da cal voluntarios/as da USC realizan tarefas de acompañamento dirixidas á integración na cidade e na Universidade dos estudantes de acolleita.
En canto aos\/as estudantes de acolleita, organízase unha sesión de recepción, ao comezo de cada cuadrimestre, na que se lles informa e orienta sobre a Facultade e os estudos, á vez que se lles pon en contacto cos coordinadores académicos, que actuarán como titores, e o persoal do Centro implicado na súa atención.
A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
Portal Internacional

Prácticas

O alumnado realizará, baixo a supervisión e tutela do profesorado e especialistas do mundo laboral, tarefas vinculadas con o/os ámbitos profesionais da titulación con vistas ás competencias establecidas. Os convenios existentes permiten optar entre diferentes ámbitos nos que aplicar os coñecementos adquiridos de cara a impulsar accións a favor da igualdade das mulleres, a implantación da perspectiva de xénero e a institucionalización de contidos e medidas referidas á igualdade de xénero (discapacidade, prostitución, minorías étnicas, acción humanitaria, solidariedade, benestar social, menores, familias problemáticas, educación, mocidade, agricultura...).
As diferentes actividades levadas a cabo durante o período de prácticas polo alumnado poden agruparse en oito eixes principais: familiarización co funcionamento da institución; recopilación /actualización de datos; formación; deseño, desenvolvemento e avaliación de proxectos; intervención; información /asesoramento/acompañamento; elaboración de materiais e actividades de divulgación.
As prácticas estarán vinculadas a diversas institucións sociais, educativoformativas e político-administrativo-sociais de organismos públicos e privados e asociacións de mulleres que traballan profesionalmente no campo das mulleres e do xénero e da educación e formación humana, nun sentido amplo, así como con diversos proxectos de investigación vixentes, preferentemente do persoal docente e investigador que se fai cargo da docencia do master. As prácticas relacionaranse coa elaboración do TFM.
Entre os requisitos/esixencias dos alumnos está:
1.- A participación en tarefas profesionais diversas vinculadas aos centros ou organismos correspondentes que teñan por obxecto a atención ás mulleres e a promoción da igualdade de xénero así como a planificación social e política de proxectos de intervención socioeducativa no ámbito das mulleres e do xénero.
2.- A participación activa en tarefas de investigación diversas vinculadas a proxectos de investigación vixentes no ámbito das mulleres e do xénero.
3.- Tamén se confeccionará un Diario de Prácticas que se entregará á coordinadora da materia cunha extensión aproximada/máxima de 10 páxinas.
O período de tempo para a realización das mesmas desenvolverase dentro do primeiro semestre do segundo ano, sempre adaptándose ao calendario oficial da USC. A Comisión Académica do master aprobará ao comezo do ano académico o calendario específico para o desenvolvemento das prácticas así como para o proceso de avaliación das mesmas.

O TFM constará de 15 créditos ECTS, con carácter obrigatorio e desenvolverase no primeiro semestre do segundo ano do master. O TFM pode desenvolverse utilizando como base específica a experiencia en relación coas prácticas realizadas, ou ben, en conexión coas mesmas. Como norma xeral asignarase de forma individual unha directora ou director para o TFM.
Trátase dun traballo científico final de master que ten que ser defendido ante un tribunal nomeado para ese efecto e composto por profesorado do master. Ao alumnado ofreceráselle unha formación específica a través dun Seminario de Elaboración de TFM e titorías individuais e en grupo. A metodoloxía segue un enfoque interactivo co acento posto na participación e elaboración práctica do alumnado. Este aplicará os coñecementos teórico-prácticos adquiridos ao longo da propia formación do master en Igualdade, Xénero e Educación.

O cadro docente do máster está composto por profesorado universitario de diferentes departamentos, así como persoal investigador e profesorado pertencente a profesións relevantes para a formación do alumnado.