Observación, comprensión, modelización e experimentación son catro palabras que describen a actividade principal dun físico/a, que pode centrarse tanto en resolver problemas fundamentais como retos tecnolóxicos, contribuíndo continuamente á mellora da calidade de vida das persoas. Os avances en física nuclear e de partículas, electromagnetismo, óptica, materiais etc. están moi presentes na nosa vida cotiá, o que incide na alta taxa de empregabilidade dos/as titulados/as. O centro, único en Galicia, oferta unha formación de excelencia a través dos seguintes programas de estudo de grao e máster: Grao en Física, Dobre Grao en Matemáticas e Física, Dobre Grao en Física e Química, Máster en Física e Máster en Enerxías Renovables, Cambio Climático e Desenvolvemento Sostible.