Fondo pesar polo falecemento de Francisco Xavier Redondo Abal
Integrante do cadro de PTXAS, asumía a dirección da Biblioteca de Física e Óptica e Optometría
A Universidade de Santiago de Compostela manifesta o seu fondo pesar polo falecemento de Francisco Xavier Redondo Abal, membro do cadro de Persoal Técnico de Xestión e Administración e Servizos, e únese á dor da súa familia e amizades.
Ligado ao servizo da Biblioteca Universitaria, na actualidade era o director da Física e Óptica e Optometría, logo de moitos anos na de Filoloxía. Francisco Redondo era ademais un historiador cunha importante obra sobre memoria histórica, membro do grupo Histagra da USC así como integrante da sección de Patrimonio e Bens Culturais do Consello da Cultura Galega.