Valoración documental

O Arquivo Histórico Universitario é o responsable da elaboración dos estudos de series documentais dos que resultan as táboas de valoración que determinan aspectos tan relevantes como os prazos de transferencia, o réxime de acceso, a conservación ou ben a eliminación total ou parcial dos documentos ou expedientes que a integran.

A Comisión de Valoración de Documentos Administrativos da USC é a encargada de aprobar os citados estudos e a Secretaría Xeral é o órgano competente para elevalos a ditame ao Consello de Avaliación Documental de Galicia, creado por Decreto 15/2016, do 14 de xaneiro, como órgano colexiado consultivo e de asesoramento da comunidade autónoma, de carácter preceptivo, para a cualificación e utilización dos documentos, determinar o seu réxime de acceso, así como a súa inutilidade administrativa no ámbito do Sistema de Arquivos de Galicia.

Finalmente, a Instrución I/2021 da Secretaría Xeral, regula o procedemento de eliminación desde os arquivos de xestión das unidades administrativas da USC.