Andaina PSM naceu no ano 2010 para cubrir o baleiro que existe na atención global a persoas con problemas de saúde mental en zonas rurais próximas a Santiago de Compostela.
Actualmente conta cun Centro de Rehabilitación Psicosocial-Laboral en Ordes e outro en Dodro, ademais dun Centro Especial de Emprego situado tamén nesta última vila.
O propósito de Andaina é prestar apoio ás persoas con problemas de saúde mental, a familiares e achegadas, fomentando a súa autonomía e dando sentido ao seu desenvolvemento cotiá. Para iso, apostan por unha vida activa a nivel físico, social e laboral, da que as persoas con problemas de saúde mental son co-responsábeis, e procuran a mellora da calidade de vida das persoas coas que traballan e loitan pola defensa dos seus dereitos.
Actividades rehabilitadoras
As persoas voluntarias poden vincularse ás actividades de ocio e obradoiros ocupacionais que se realizan na asociación, compartindo tempo coas persoas usuarias e colaborando na mellora do seu desenvolvemento e autonomía de cara a unha efectiva inclusión social e laboral. O voluntariado nestas actividades tamén contempla que a persoa voluntaria conte coa posibilidade de propoñer novas actividades/proxectos que poidan ter cabida na entidade, así como ser de interese para as persoas participantes na mesma.
- Radio: coa colaboración de Radio Valga, as/os participantes teñen a oportunidade de deseñar un programa de radio semanal. As tarefas que realizan abarcan dende a procura de información, estruturamento da mesma e escaleta e gravación e gravación do programa na sede.
- Horario: os luns en Dodro, de 11 a 13 h.
- Prazas: s/n
- Comunicación/TICS: o obxectivo é a conexión coa realidade e a contorna a través do uso e familiarización coas novas tecnoloxías máis cotiás.
- Horario: os luns en Ordes, de 10 a 13:30 h.
- Prazas: s/n
- Arteterapia: as/os artistas utilizan a pintura como canle de conexión con elas e eles mesmos e como ferramenta alternativa de expresión emocional. Procúranse persoas con coñecementos e afección polas artes e pintura. Esta actividade desenvólvese en:
- Ordes: os martes, de 17 a 19:30 h.
- Dodro: os xoves , de 17 a 19:30 h.
- Prazas: s/n
- Cociña: As usuarias e usuarios adestran unha importante ABVD como é a preparación de alimentos á vez que coñecen opcións de alimentación saudable.
- Horario: os mércores en Ordes e Dodro, de 10 a 13:30 h.
- Prazas: s/n
- Estimulación cognitiva: propóñense dinámicas variadas co fin de manter e perfeccionar o funcionamento cognitivo a través de exercicios de memoria, atención, concentración, linguaxe, razoamento, etc. Ademais, en Ordes, contan coa colaboración da Biblioteca municipal que organiza un club de lectura onde poder ampliar coñecementos e mellora a comprensión lectora e habilidades comunicativas.
- Ordes: os xoves, de 11 a 13:30 h.
- Dodro: os venres, de 11 a 13:30 h.
- Prazas: s/n
- Acondicionamento físico: comézase o día activando o corpo con exercicios suave e adaptados co fin de mellorar a flexibilidade, coordinación, resistencia, etc.
- Horario: xoves e venres en Ordes, de 10 a 11:30 h.
- Prazas: s/n
- Ocio: periodicamente realízanse actividades de ocio co fin de promover a ocupación saudable do tempo libre, así como a participación comunitaria das persoas usuarias. Esta actividade desenvolve tanto en Dodro como Ordes e preferiblemente contar con posibilidade de desprazamento autónomo.
- Horario: mañá ou tarde en función da saída e da dispoñibilidade da persoa voluntaira.
- Prazas: s/n
- Novas propostas e colaboracións puntuais: se como voluntaria/o tes coñecemento nalgunha disciplina que consideres de proveito para as persoas participantes, non o dubides e faillo saber; grazas á iniciativas de moitas e moitos voluntarios puideron facer andainas saudable, obradoiros de ioga, baile, clubs de lectura, teatro, etc. Do mesmo xeito, a entidade pode presentar necesidade de voluntariado puntual. Esta actividade está pensada para persoas con imposibilidade de compromiso periódico pero interesadas en colaborar puntualmente coa entidade.
Prelaboral
Este programa ofrece unha serie de actividades orientadas a mellorar a empregabilidade das persoas con problemas de saúde mental, fortalecendo as súas competencias e habilidades de forma individualizada. O obxectivo destas accións é facilitar a inserción das persoas con problemas de saúde mental no mundo laboral. Para iso cóntase cun Centro Especial de Emprego dedicado á produción artesá de sidra, zumes e outros derivados de froita galega.
A participación de persoas voluntarias neste programa consistiría no acompañamento das persoas usuarias e empregadas nas tarefas propias da elaboración e comercialización destes produtos.
- Horario: preferentemente mércores, de 9:30 h a 13:30 h en Dodro.
- Prazas: s/n
Acompañamentos individualizados
Este programa de acompañamento pretende poñer en relación a persoas con trastorno mental con persoas voluntarias para realizar encontros de pares cunha finalidade lúdica (pasear, tomar algo, acudir a eventos ou exposicións, ir ao cine etc.). Trátase dun acompañamento personalizado onde se comparten experiencias nunha relación de igual a igual.
- Horario: Flexible, en función da dispoñibilidade da persoa voluntaria. Posibilidade en ambos os dous centros, Dodro e Ordes.
- Prazas: s/n
Programa Falamos?
Programa integral no ámbito rural para a mellora na detección e intervención en risco de suicidio. Inclúe actuacións formativas e de sensibilización tales como charlas, mesas informativas, formación a profesionais nas que a persoa voluntaria poderá apoiar e acompañar.
Horario: flexible, en función da dispoñibilidade e calendario de actividades do programa. Posibilidade e ambos os dous centros, Dodro e Ordes.
Prazas: s/n