A Asociación Itínera naceu en 2005 como resultado de experiencias de voluntariado levadas a cabo desde o ano 1993 no Hospital Psiquiátrico de Conxo. Neses doce anos puxéronse en marcha programas educativos, recreativos e deportivos nos que participaron máis de 400 voluntarios.
O obxectivo da Asociación Itínera é lograr un maior nivel de socialización das persoas con trastornos mentais severos e facilitar a súa integración, participación social e combater o estigma social que se asocia ás enfemidades mentais.
Na actualidade tamén ten dous programas desenvolvidos en colaboración coa Unidade de Traballo Social do Departamento de Servizos Socias do Concello da Estrada na súa vila.
Speaking
Grupo de conversa en inglés guiado por unha persoa nativa. Nesta actividade as persoas participantes teñen a posibilidade de mellorar os seus coñecementos no idioma dun xeito dinámico e distendido.
Horario: luns, de 16 a 17 h.
Prazas: 1 (COMPLETO)
Grupo de apoio ao estudo
Clases de apoio para persoas adultas que están a preparar materias de diferentes niveis formativos (ESAD, FP etc.) así coma probas de acceso ou oposicións.
- Horario: de luns a venres, de 10 a 14 h.
- Prazas: 8.
Clube de lectura e obradoiro de escrita
Consiste na lectura dun libro durante dúas semanas para comentar, despois, as impresións en cada sesión. Posteriormente realízase un texto propio en base a unha idea ou premisa comentada no grupo e preséntase antes ás demais compañeiras e compañeiros.
- Horario: luns, 17 a 18:30 horas.
- Prazas: 3 (COMPLETO)
Debate e análise crítico
Escóllense temas de actualidade e confórmanse grupos en base á elección dos mesmos. Cada persoa debe investigar sobre o tema que escolleu e preparar a argumentación co seu grupo. Realízase unha exposición dos temas e un debate.
- Horario: martes, de 16:30 a 19 h.
- Prazas: 2.
Educación medioambiental
Actividades de concienciación sobre o respecto ao medioambiente e o patrimonio natural e cultural. Realízase mediante traballos de recuperación e limpeza nos arredores da zona do Banquete de Conxo/Brañas do Sar, así como recuperación e mantemento nun cemiterio de comezos do século XX ou andainas.
- Horario: mércores, de 15:30 a 18:30 horas.
- Prazas: 3.
Clube de cine
Cine-forum. Proxección e comentario de películas clásicas. A idea é de que as/os propias/os voluntarias/os dirixan elas/es a actividade e organizar, ademais, eventos relacionados co cine.
- Horario: xoves, de 16 a 19 h.
- Prazas: 2.
Programa Amigos
Acompañamento a persoas con TMS que carecen de rede social. Un ou dous voluntarios/as asígnanse como amigos/as individuais de persoas con trastornos mentais. Xeralmente viven en pensións supervisadas, pisos protexidos e, en todo caso, presentan un forte illamento social. Neste caso as actividades, como é lóxico, non están preconfiguradas. É un programa invisible. Carece de tempos e espazos determinados: horario adaptado á dispoñibilidade das persoas voluntarias e usuarias/os. Esta actividade desenvólvese en dous concellos:
SANTIAGO DE COMPOSTELA
- Horario: variable.
- Prazas: 24.
A ESTRADA
- Horario: venres, entre as 10 e as 20 h.
- Prazas: 10
Obradoiro de xénero
Actividade dirixida a rachar con estereotipos e roles de xénero a través de dinámicas, role playing ou grupos de discusión. Dúas quendas de 60 minutos.
- Horario: venres, de 16 a 18 h.
- Prazas: 2.