O Festival Internacional de Cinema de Santiago celebra a súa 21ª edición do 1 ao 6 de outubro de 2024, cunha modalidade presencial de proxeccións, concertos e actividades formativas en diversas sedes coma o Teatro Principal, Auditorio Abanca e Sala Capitol.
Nos últimos anos, o festival evolucionou para converterse nun evento multidisciplinar que, mantendo o cine como eixe, abrangue na súa programación outras disciplinas tais como a fotografía, a arte sonora, a etnografía, a música ou a literatura.
Búscase xente responsable, con interese cultural e con ganas de colaborar nos labores básicos de produción dun festival: asistencia de invitados, apoio ao equipo nas salas de proxección, supervisión das actividades, servizo na oficina do festival, asistencia na comunicación etc.
- Horario: flexible en función da dispoñibilidade, en quendas de mañá ou de tarde.
- Prazas: 25 (COMPLETO)
Prazo de inscrición: do 1 ao 25 de setembro de 2024.