Esta plataforma tecnolóxica dispón dun búnker de 60 m2 que acolle un irradiador gamma (Cobalto 60) e un acelerador linear.
O laboratorio ofrece os seguintes servizos a calquera usuario dos sectores público ou privado:
- Servizo de calibración de conxuntos cámara de ionización - electrómetro en taxa de dose absorbida en auga en nivel de terapia (cobalto 60). O Laboratorio de Radiofísica é un laboratorio secundario acreditado que cumpre a ISO 17025.
- Servizo de calibración de conxuntos cámara de ionización - electrómetro en taxa de kerma de aire en aire (cobalto 60). O Laboratorio de Radiofísica é un laboratorio secundario acreditado que cumpre a ISO 17025.
- Servizo de irradiación. O Laboratorio realiza ensaios de irradiación en dose total a compoñentes electrónicos, materiais ou tecidos.
- Servizo de Radioterapia Veterinaria. Este servizo realízase de forma conxunta co Hospital Veterinario Fundación Rof Codina.
O Laboratorio de Radiofísica da USC é un laboratorio secundario de dosimetría. O laboratorio implantou a norma UNE-EN ISO/IEC 17025 sobre requisitos xerais para a competencia dos laboratorios de ensaio e calibración.
O laboratorio ofrece os seguintes servizos de calibración con acreditación ENAC:
-
Calibración de conxuntos cámara de ionización - electrómetro na magnitude taxa de dose absorbida en auga en niveis de terapia externa (cobalto 60)
-
Calibración de conxuntos cámara de ionización - electrómetro na magnitude taxa de kerma de aire en aire (cobalto 60)
Tarifas
As calibracións tarifícan por instrumento calibrado. A tarifa inclúe a emisión de certificado de calibración.
Para solicitar un presuposto de calibración diego.gonzalez [at] usc.es (contacte con nós).
O Laboratorio de Radiofísica da USC ofrece o servizo de irradiación de mostras con fotóns gamma de cobalto 60, electróns e raios X de alta enerxía a distintas taxas de dose. Un exemplo deste servizo é a realización de ensaios de irradiación de dose total a alta ou baixa taxa para compoñentes electrónicos para a industria aeroespacial.
Os ensaios realízanse na sala de irradiación do Laboratorio, que ten unhas dimensións de 10x6 m.
Na sala de control disponse de espazo para os equipos dos usuarios. Hai condutos para pasar cables desde a sala de control á sala de irradiación.
Os feixes de radiación pódense colimar de forma cadrada ou rectangular. Trátase de feixes diverxentes e, por tanto, a área de irradiación e a taxa de dose dependen da distancia á fonte para un axuste de colimación dado.
Área de irradiación
A área de irradiación ten forma cadrada ou rectangular de lados FSx e FSy. O lado da área de irradiación máxima FSmax depende da distancia á fonte d e varía entre 10 e 240 cm.
A área de irradiación a unha distancia da fonte dada ten unha homoxeneidade en dose absorbida mellor cun 5 %.
Taxa de dose
A taxa de dose gamma axústase variando a distancia entre a fonte radioactiva e as mostras ou compoñentes a irradiar. A taxa de dose absorbida nunha mostra varía segundo a lei do inverso do cadrado da distancia á fonte.
A taxa de dose da radiación xerada polo LINAC pódese axustar electronicamente e variando a distancia entre o cabezal do LIANC e as mostras ou compoñentes a irradiar.
A taxa de dose absorbida na mostra a irradiar monitorízase en tempo real mediante unha cámara de ionización de aire conectada a un electrómetro de referencia. A resposta da cámara de ionización convértese en tempo real en taxa de dose no material da mostra ou compoñente.
O rango típico de taxas de dose en silicio no laboratorio é de 36 rad (Si)/h a 20 krad(Si)/h (0.1 mGy(Si)/s a 55 mGy(Si)/s) para as irradiacións gamma e de 36 rad (Si)/h a 170 krad(Si)/h (0.1 mGy(Si)/s a 470 mGy(Si)/s) para as irradiacións co LINAC. Mentres que a radiación gamma é continua, a frecuencia de repetición de pulsos do LINAC pódese axustar electronicamente entre 60 e 360 Hz.
Tarifas
Os ensaios de dose de ionización total tarifícanse por día de uso da instalación ou fracción. Adicionalmente pódese solicitar asistencia técnica.
Para solicitar un presuposto detallado de ensaio de dose de ionización total, contacte con nós.
O Laboratorio de Radiofísica (RPL) estableceu un servizo de radioterapia para animais medianos e pequenos en colaboración co Hospital Veterinario Universitario Rof Codina (HVURC). O diagnóstico e a prescrición do tratamento realízanse no servizo de diagnóstico por imaxe do HVURC.
O cálculo do tratamento e a súa verificación dosimétrica realízaos o persoal do RPL.
Os tratamentos adminístranse nas instalacións do RPL de forma conxunta entre o persoal do RPL e do HVURC.
Tarifas
Para solicitar un presuposto de tratamento de radioterapia veterinaria contacte co equipo de Oncólogos Veterinarios do Hospital Veterinario Fundación Rof Codina.
Algunhas das actividades de investigación que se desenvolven na instalación son:
- Desenvolvemento de detectores de radiación para dosimetría de feixes de terapia.
- Avaliación de detectores comerciais para dosimetría de feixes de terapia.
- Desenvolvemento de técnicas de medida e cálculo para mellorar a precisión da dosimetría en radioterapia.
- Desenvolvemento de detectores de neutróns para niveis de protección radiolóxica.
- Desenvolvemento de compoñentes resistentes á radiación para ser empregados en satélites artificiais.
O Laboratorio de Radiofísica ten na actualidade os seguintes convenios de colaboración con centros de investigación:
- Convenio de colaboración có Instituto Nacional de Técnica Aeroespacial (INTA) (Madrid, España)
- Convenio de colaboración coa Fundación Hospital Universitario Rof Codina (Lugo, España)
- Acordo de Investigación có Organismo Internacional de Enerxía Atómica (IAEA) (Viena, Austria)
Proxectos de Investigación
- Skyflash: Desenvolvemento de métodoloxías resistentes á radiación por deseño para a producción de memorias flash non volátiles.
- DOSEtrace: Proxecto de investigación EMPIR
- UHDpulse: Proxecto de investigación EMPIR
- Desenvolvemento dun calorímetro: Proxecto de investigación FIS
Ultimas publicacións
- Prieto-Pena J, Gómez F, González-Castaño D M, Flores-Arias M T, Arines J, Bao-Varela C, Cambronero-López F and Martínez Maqueira A. Radiation characterisation and dosimetric measurements of a femtosecond pulsed laser ablation system. Journal of Radiological Protection 38 (2018)
- Brualla-González L, Vázquez-Luque A, Zapata M, González-Castaño DM, Luna-Vega V, Guiu-Souto J, Prieto-Pena J, García T, Granero D, Vicedo A, Rosellò J, Pombar M, Gómez F, Pardo-Montero J. Development and clinical characterization of a novel 2041 liquid-filled ionization chambers array for high-resolution verification of radiotherapy treatments. Medical Physics 45 (4) (2018).
- Andreou Charalambos M, Javanainen A, Rominski A, Virtanen A, Liberali V, Calligaro C, Prokofiev A V, Gerardin S, Bagatin M, Paccagnella A, González-Castaño D M, Gómez F, Nahmad D and Georgiou J: Single Event Transients and Pulse Quenching Effects in Bandgap Reference Topologies for Space Applications, IEEE TNS 63(6) (2016)
- Andreou Charalambos M, González-Castaño D M, Rominski A, Gerardin S, Bagatin M, Gómez F, Paccagnella A, Prokofiev A V, Javanainen A, Virtanen A, Liberali V, Calligaro C, Nahmad D and Georgiou J: Total Ionisation Dose Performance Classification of BGR Topologies for Space, using gamma ray, X-ray and Proton Irradiation, IEEE TNS (2015)
- Domínguez-Pumar M, Gorreta S, Pons-Nin J, Gómez-Rodríguez F and González-Castaño D M: Charge induced by ionizing radiation understood as a disturbance in a sliding mode control of dielectric charge, Microelect. Reliab., 55 (2015)
- Domínguez-Pumar M, Gorreta S, Pons-Nin J, Gómez-Rodríguez F, González-Castaño D M, and Muschitiello M: Closed-Loop Compensation of Dielectric Charge Induced by Ionizing Radiation, J. of Microelectromechanical Syst., 24(3), (2015)
- Regadío A, Sánchez-Prieto S, Tabero J, González-Castaño D M: Synthesis of optimal digital shapers with arbitrary noise using a genetic algorithm, NIM A 795 (2015)
- Gago-Arias A, Argüeso P, Aguiar P, González-Castaño D M, Gómez F and Pardo-Montero J: Characterization of tetramethylsilane for liquid-filled ionization dosimeters: Ion mobilities,free ion yield and general recombination, NIM A 785 (2015)
-
Gómez F, González-Castaño D M, Díaz-Botana and Pardo-Montero J: Study of the PTW microLion chamber temperature dependence, Phys. Med. Biol. 59 (2014) 2705
-
Gago-Arias A, Antolín E, Fayos-Ferrer F, Simón R, González-Castaño D M, Palmans H, Sharpe P, Gómez F and Pardo-Montero J: Correction factors for ionization chamber dosimetry in CyberKnife: Machine-specific, plan-class, and clinical fields, Med. Phys. 40, 011721 (2013)
-
Gago-Arias A, Rodríguez-Romero R, Sánchez-Rubio P, González-Castaño D M, Gómez F, Núñez L, Palmans H, Sharpe P and Pardo-Montero J: Correction factors for A1SL ionization chamber dosimetry in TomoTherapy: Machine-specific, plan-class, and clinical fields, Med. Phys. 39, 1964 (2012)
-
González-Castaño D M, Brualla Gonzalez L, Gago-Arias M A, Pardo Montero J, Gómez F, Luna-Vega V, Sánchez M and Lobato R: A convolution model for obtaining the response of an ionization chamber in static non standard fields, Med. Phys. 39, 482 (2012)
-
Brualla-González L, Gómez F, Vicedo A, González-Castaño D M, Gago-Arias A, Pazos A, Zapata M, Rosello J V and Pardo-Montero J: A two-dimensional liquid-filled ionization chamber array prototype for small-field verification: characterization and first clinical tests, 2012 Phys. Med. Biol. 57 5221
-
Gago-Arias A, Brualla-González L, González-Castaño D M, Gómez F, Sánchez García M, Luna Vega V, Mosquera Sueiro J and Pardo-Montero J: Evaluation of chamber response function influence on IMRT verification using 2D commercial detector arrays, 2012 Phys. Med. Biol. 57 2005.
Prácticas USC
No Laboratorio de Radiofísica realízanse prácticas das seguintes materias:
- Física médica (materia do grao en Física da USC)
- Aplicacións médicas das radiacións ionizantes (materia do Máster Universitario en Física Nuclear e de Partículas e as súas Aplicacións Tecnolóxicas e Médicas da USC)
Actividades formativas
Adicionalmente, no Laboratorio de Radiofísica realizáronse as seguintes actividades formativas:
- Visita formativa do Equipo de Emerxencias de Protección Civil de Galicia.
- Visitas guiadas a alumnos de secundaria.
Laboratorio de Radiofísica
- Laboratorio de Radiofísica
- Estrada de San Lourenzo, 1, 15782Santiago de Compostela