A USC impulsa o emprendemento como unha das principais vías de capacitación profesional da comunidade universitaria.
A AVTE presta o seu apoio a toda membro da comunidade universitaria que teña unha idea de negocio e queira transformala nunha empresa. Entre as iniciativas de apoio destacan o Programa ARGOS, o Programa Santander Explorer e os Concursos de Ideas e Proxectos Empresariais.
A colaboración con outras entidades e organismos do ecosistema emprendedor é unha ferramenta clave. Neste senso, a AVTE leva a cabo as seguintes accións:
- Participación no Programa AKADEMIA, impulsado pola Fundación Bankinter.
- Accións formativas e charlas en colaboración con Galicia Open Future, iniciativa conxunta de Telefónica e a Xunta de Galicia.
- Asesoramento e tramitación de solicitudes para obter, por parte dos proxectos empresariais, a cualificación como Iniciativas de Emprego de Base Tecnolóxica (IEBT) da Consellería de Traballo e Benestar.