Localización
- Edificio de apoio á investigación (CACTUS)
- Rúa de Constantino Candeira, 1. Campus Vida , 15782Santiago de Compostela
- Teléfonos
- 881 816 242
Ao ser unha técnica de análise por inxección en fluxo (FIA) onde se emprega un HPLC sen columna cromatográfica, as mostras deben ter alta pureza. A fase móbil empregada por defecto é unha mestura de H2O/MeOH 1:1 acidificada con ácido fórmico ao 0.1%. Se as mostras son susceptibles ou lles afecta esas condicións de fase móbil, débese indicar na parte de “Observacións” do Formulario de Solicitude de Servizo da Unidade.
Hai que ter en conta a polaridade da mostra para escoller de maneira axeitada a técnica de análise. ESI é axeitada para analitos de polaridade media-alta que se disolven en solventes polares coma auga ou metanol. APCI é axeitada para analitos de polaridade baixa-media que se disolven en solventes apolares coma diclorometano ou cloroformo; e APPI para mostras que teñen grupos cromóforos.
As mostras deben vir en viais ou tubos identificados e etiquetados, tendo unha cantidade mínima subministrada polo usuario de 0.1 mg (ver táboa 1 de concentracións), indicando os disolventes axeitados (se é posible, convén non utilizar disolventes coma DMF ou DMSO). Se están en disolución, débese indicar o disolvente empregado. Ademais, a presenza de sales pode interferir na adquisición e resultado da mostra. Neste caso, pódese realizar un desalgado previo (servicio facturable) co “Desalgado Zip-Tip”.
Táboa 1: guía de concentración das mostras para ESI/APCI/APPI
|
CONCENTRACIÓN NECESARIA PARA ANÁLISES ESI/APCI/APPI |
|
|
MW (Da) |
µg/ml |
|
500 |
10-25 |
|
1.000 |
20-50 |
|
2.500 |
50-130 |
|
5.000 |
100-250 |
O instrumento empregado dispón de fontes de ionización ESI, APCI e APPI intercambiables e, ademais, ó ser unha trampa iónica, permite obter o espectro en modo positivo e negativo nunha mesma medición, nun rango de 50 a 3000 m/z.
Instrumentación: Amazon ETD (Bruker)
Unidade de Espectrometría de Masas e Proteómica
- Edificio de Apoio á Investigación (CACTUS)
- Rúa de Constantino Candeira, 1. Campus Vida , 15782Santiago de Compostela
- 881 816 242