A Facultade de Ciencias, creada en 1991 como transformación do Colexio Universitario de Lugo, é un centro de formación de profesionais capaces, competentes e comprometidos socialmente. Procura a excelencia en todas as funcións que desempeña: docencia, xeración de coñecemento e a súa difusión a través da investigación desenvolvida, realizándoas de xeito socialmente responsable e integradas no Campus Terra, fundamentalmente nas áreas da Enxeñaría, as Ciencias Experimentais e as Ciencias da Saúde. Ofrece unha formación universitaria de prestixio en 3 graos, 1 grao aberto e 2 másteres. Destaca polo seu compromiso coa calidade, foi un dos primeiros centros da USC en obter a acreditación institucional e acada excelentes resultados en diversos ránkings de titulacións.