O Grao Aberto “USC Enxeñarías” é unha opción novidosa en España que permite aos estudantes comezar a súa formación universitaria escollendo libremente materias de 4 graos diferentes do ámbito das enxeñarías durante o primeiro ano de carreira para despois decidirse por unha titulación concreta (Enxeñaría Agrícola e Agroalimentaria, Enxeñaría Civil, Enxeñaría dos Procesos Químicos Industriais, Enxeñaría Forestal e do Medio Natural).
Esta opción facilita coñecer aspectos básicos de distintas disciplinas durante o primeiro ano e, despois permite ao alumnado a posibilidade de seguir o itinerario do grao que mellor se adapta a súas expectativas laborais e formativas.