Grao en Enxeñaría de Procesos Químicos Industriais

Malia non se esixir ningunha formación previa específica, para o ingreso no Grao en Enxeñaría de Procesos Químicos Industriais recoméndase que a formación do alumno sexa de perfil científico-tecnolóxico (R. D. 1467/2007, BOE do 2 de novembro, polo que se estabelece a estrutura do bacharelato e se fixan as súas ensinanzas mínimas). Dentro dese perfil resulta recomendábel, aínda que non imprescindíbel, ter cursado materias de matemáticas, bioloxía, física, química, debuxo técnico, electrotecnia e tecnoloxía industrial.

Calidades desexábeis do futuro estudante do Grao en Enxeñaría de Procesos Químicos Industriais:

- Habilidade no cálculo
- Capacidade de razoamiento lóxico
- Capacidade de análise
- Capacidade de comprensión abstracta
- Habilidade dedutiva
- Método e rigor no traballo
- Interese pola investigación e a experimentación

1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos.

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
A.1. Bacharelato do Sistema Educativo Español, Bacharelato Europeo o Bacharelato Internacional.
A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
A.6. Estudos universitarios parciais, estranxeiros ou españois.
Tamén poderán acceder a estudios de Grao:
B.1. Persoas maiores de vintecinco anos que superen unha proba de acceso específica.
B.2. Persoas maiores de corenta anos con experiencia laboral ou profesional en relación cunha ensinanza universitaria.
B.3. Persoas maiores de corenta e cinco anos que superen unha proba de acceso específica.
Do mesmo xeito, poderán acceder a estudos de Grao:
C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

Que os estudantes poidan transmitir información, ideas, problemas e solucións a un público tanto especializado como non especializado;

Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

1. Capacidade para a redacción, sinatura e desenvolvemento de proxectos no ámbito da enxeñaría industrial.
2. Coñecemento en materias básicas e tecnolóxicas, que os capacite para a aprendizaxe de novos métodos e teorías, e os dote de versatilidade para adaptarse a novas situacións
3. Coñecementos para a realización de medicións, cálculos, valoracións, taxacións, peritacións, estudos, informes, plans de labores e outros traballos análogos
4. Capacidade para analizar e valorar o impacto social e ambiental das solucións técnicas
5. Capacidade de organización e planificación no ámbito da empresa, e outras institucións e organizacións
6. Capacidade para traballar nunha contorna multilingüe e multidisciplinar
7. Capacidade de resolver problemas con iniciativa, toma de decisións, creatividade, razoamento crítico e de comunicar e transmitir coñecementos, habilidades e destrezas no campo da enxeñería industrial.

- Capacidade para a resolución dos problemas matemáticos que poidan formularse na enxeñaría. Aptitude para aplicar os coñecementos sobre: álxebra lineal; xeometría; xeometría diferencial; cálculo diferencial e integral; ecuacións diferenciais e en derivadas parciais; métodos numéricos; algorítmica numérica; estatística e optimización.
- Comprensión e dominio dos conceptos básicos sobre as leis xerais da mecánica, termodinámica, campos e ondas e electromagnetismo e a súa aplicación para a resolución de problemas propios da enxeñaría.
- Coñecementos básicos sobre o uso e programación dos ordenadores, sistemas operativos, bases de datos e programas informáticos con aplicación en enxeñaría.
- Capacidade para comprender e aplicar os principios de coñecementos básicos da química xeral, química orgánica e inorgánica e as súas aplicacións na enxeñaría.
- Capacidade de visión espacial e coñecemento das técnicas de representación gráfica, tanto por métodos tradicionais de xeometría métrica e xeometría descritiva, como mediante as aplicacións de deseño asistido por ordenador.
- Coñecemento adecuado do concepto de empresa, marco institucional e xurídico da empresa. Organización e xestión de empresas
- Coñecementos de termodinámica aplicada e transmisión de calor. Principios básicos e a súa aplicación á resolución de problemas de enxeñaría.
- Coñecementos dos principios básicos da mecánica de fluídos e a súa aplicación á resolución de problemas no campo da enxeñaría. Cálculo de tuberías, canles e sistemas de fluídos.
- Coñecementos dos fundamentos de ciencia, tecnoloxía e química de materiais. Comprender a relación entre a microestrutura, a síntese ou procesado e as propiedades dos materiais.
- Coñecemento e utilización dos principios de teoría de circuítos e máquinas eléctricas.
- Coñecementos dos fundamentos da electrónica.
- Coñecementos sobre os fundamentos de automatismos e métodos de control.
- Coñecemento dos principios de teoría de máquinas e mecanismos.
- Coñecemento e utilización dos principios da resistencia de materiais.
- Coñecementos básicos dos sistemas de produción e fabricación.
- Coñecementos básicos e aplicación de tecnoloxías ambientais e sustentabilidade.
- Coñecementos aplicados de organización de empresas.
- Coñecementos e capacidades para organizar e xestionar proxectos. Coñecer a estrutura organizativa e as funcións dunha oficina de proxectos.
- Coñecementos sobre o funcionamento e o deseño de instalacións e dispositivos relacionados coa produción de enerxía térmica e mecánica.
- Coñecementos sobre balances de materia e enerxía, biotecnoloxía, transferencia de materia, operacións de separación, enxeñaría da reacción química, deseño de reactores, e valorización e transformación de materias primas e recursos energéticos.

- Capacidade de análise e síntese
- Habilidade para usar aplicacións informáticas no ámbito da enxeñaría industrial
- Capacidade para xestionar a información
- Capacidade para traballar en equipo
- Demostrar compromiso ético
- Demostrar sensibilidade cara a temas ambientais
- Demostrar iniciativa e espírito emprendedor
- Capacidade para usar tecnoloxías da información e comunicación
- Capacidade para organizar e planificar
- Capacidade para a resolución de problemas
- Capacidade para tomar decisións
- Capacidade para a aprendizaxe autónoma
- Capacidade para transmitir coñecementos
- Demostrar razoamento crítico
- Capacidade para a comunicación oral e escrita