Unidade de Secuenciación e Análise de Fragmentos

A Unidade de Secuenciación e Análise de Fragmentos pon ao servizo dos seus clientes as tecnoloxías máis avanzadas no campo da secuenciación e xenotipado de ADN e ofrece soporte técnico e asesoramento para aqueles clientes que desexan introducir estas técnicas no seu campo de traballo, como apoio á súa investigación en estudos xenéticos.

Disponse da última xeración de equipos de secuenciación automática de ADN o que permite desenvolver diferentes aproximacións á análise do ADN por persoal altamente cualificado.

A Unidade de Secuenciación oferta a metodoloxía baseada na reacción química de Sanger e a posterior migración en secuenciadores capilares automáticos.