Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de docencia Galego (100%)
Tipo: Materia Ordinaria Grao RD 1393/2007 - 822/2021
Departamentos: Matemática Aplicada
Áreas: Matemática Aplicada
Centro Escola Politécnica Superior de Enxeñaría
Convocatoria: Primeiro semestre
Docencia: Sen docencia (En extinción)
Matrícula: Non matriculable (Só plans en extinción)
Coñecer e manexar con soltura os conceptos e técnicas descritas nos contidos da materia, de xeito que cada estudante sexa capaz de utilizalos cando os precise, tanto ao longo da súa formación, como no desenvolvemento da súa futura actividade profesional.
A Memoria do Título contempla para esta materia os seguintes contidos :
Álxebra Linear
Xeometría
Cálculo diferencial e integral
Estatística e optimización
O programa desenvolvido é o seguinte:
Tema 1. Introdución (3h expositiva)
• O corpo dos números reais. Relación de orde. Valor absoluto.
• O corpo dos números complexos. Módulo e argumento. Forma exponencial.
Tema 2. Matrices e sistemas de ecuacións lineares (6h expositiva + 3h seminario)
• Matrices. Matrices especiais (cadradas, triangulares, diagonais, escalonadas, ...)
• Transformacións elementais en matrices. Rango dunha matriz.
• Operacións con matrices.
• Determinante dunha matriz.
• Matriz trasposta e matriz inversa.
• Sistemas de ecuacións lineares. Solución e forma matricial dun sistema.
• Teorema de Rouché-Frobenius.
• Sistemas equivalentes. Método de Gauss.
Tema 3. Vectores e xeometría do espacio. (8h expositiva + 2h seminario)
• Definición e exemplos de espazo vectorial.
• Dependencia linear.
• Sistema de xeradores. Base dun espazo vectorial.
• Coordenadas dun vector respecto dunha base.
• Dimensión dun espazo vectorial.
• Subespazos vectoriais.
• Produto escalar en R^2 e R^3.
• Ortogonalidade. Norma dun vector.
• Distancias e ángulos.
• Producto vectorial en R^3
Tema 4. Límites e continuidade de funcións dunha variable (4h expositiva + 1h seminario)
• Sucesións de números reais. Límite dunha sucesión. Propiedades.
• Funcións reais de variable real. Principais funcións.
• Límite dunha función nun punto. Propiedades.
• Continuidade. Propiedades.
• Límites no infinito.
• Cálculo de límites.
• Algúns teoremas para funcións continuas. Aplicacións.
Tema 6. Funcións derivables. Aplicacións da derivada. (5h expositiva + 2h seminario)
• Concepto de derivada. Regras de derivación.
• Derivadas de orde superior.
• Diferenciabilidade nun punto.
• Teoremas de Rolle, do valor medio e de L´Hôpital.
• Aproximación local dunha función por un polinomio. Teorema de Taylor.
• Estudo local da gráfica dunha función.
• Extremos relativos e absolutos. Optimización.
• Cálculo de raíces de ecuacións non lineares: Newton-Raphson.
Tema 7. A integral de Riemann. (7h expositiva + 2h seminario)
• Funcións integrables nun intervalo.
• Integral de Riemann.Propiedades.
• Teorema fundamental do cálculo.
• Cálculo de primitivas. Regra de Barrow.
• Integrais impropias.
• Integración numérica. Métodos dos trapecios e das parábolas.
Tema 8. Estatística descritiva. (3h expositiva + 2h seminario)
• Conceptos xerais.
• Variable unidimensional.
• Distribución de frecuencias. Representación.
• Medidas de centralización e de dispersión.
• Variable bidimensional.
• Recta de regresión linear.
OBSERVACIÓN (relativa ás horas presenciais e non presenciais de cada tema):
En cada tema aparecen as horas presenciais. Seguindo a Memoria de Grao, estas teñen que ser 55h, mentres que as non presenciais son 95h. A cada hora presencial correspóndelle 95/55 horas non presenciais.
Bibliografía básica:
1.- Inmaculada ESPEJO MIRANDA. Estadística descriptiva y probabilidad (1 ed.). Cádiz: Servicio de Publicaciones de la Universidad de Cádiz, 2014.
2.- Ron LARSON, Robert P. HOSTETLER y Bruce H. EDWARDS, «Cálculo», México : McGraw Hill, 2006.
3.- David C. LAY, «Algebra lineal y sus aplicaciones» (4ª ed.), Pearson Educación, 2012.
4.- Eric STEINER, «Matemáticas para las ciencias aplicadas», Editorial Reverté, 2005.
Bibliografía complementaria:
5.- Aranda, E., Álgebra lineal con aplicaciones y Python . Editorial Lulu.com, 2016.
6.- Gerald L. BRADLEY, Karl J. SMITH, «Cálculo», Madrid : Prentice-Hall, 2000.
7.- Juan de BURGOS, «Cálculo infinitesimal de una variable», McGraw-Hill, 1994.
8.- David POOLE, «Algebra lineal. Una introducción moderna» (3ª ed.), CENGAGE Learning, 2011.
As referencias bibliográficas 2, 3, 4, 6 e 8, poden atoparse tamén en versión en inglés.
De entre as competencias recollidas nas memorias do Grao en Enxeñería Civil nesta materia traballaranse as seguintes:
CB1.- Que o alumnado teña demostrado posuír e comprender coñecementos nunha área de estudo que parte da base da educación secundaria xeral, e adoita atoparse a un nivel que, se ben apoiase en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo.
CB5.- Que o alumnado teña desenvolvido aquelas habilidades de aprendizaxe necesarias para emprender estudos posteriores cun alto grao de autonomía.
CG1.- Capacitación científico-técnica para o exercicio da profesión de Ingeniero Técnico de Obras Públicas e coñecemento das funcións de asesoría, análise, deseño, cálculo, proxecto, construcción, mantemento, conservación e explotación.
A competencia CEFB1 recollida na memorias do Grao en Enxeñaría Civil adquírese completamente cursando as materias Matemáticas I, Matemáticas II e Matemáticas III.
CEFB1.- Capacidade para a resolución dos problemas matemáticos que poidan presentarse na enxeñaría. Aptitude para aplicar os coñecementos sobre: álxebra linear, xeometría, xeometría diferencial, cálculo diferencial e integral, ecuacións diferenciais e en derivadas parciais, métodos numéricos, algorítmica numérica, estatística e optimización.
De xeito máis específico, nesta materia traballarase a aptitude para aplicar os coñecementos sobre álxebra linear, xeometría, cálculo diferencial e integral e estatística e optimización.
Seguiranse as indicacións metodolóxicas xerais establecidas na memoria do Grao en Enxeñaría Civil da USC. Así, haberá tres tipos de actividades docentes básicas:
— Docencia expositiva: clases de teoría nas que o profesor presentará, coa axuda de medios audiovisuais, os contidos detallados na guía docente da materia. O obxectivo destas clases é proporcionar ao alumnado os coñecementos básicos que lle permitan abordar o estudo da materia de xeito autónomo, axudándose da bibliografía e dos exercicios que realice ao longo do curso.
— Seminarios: clases interactivas nas que se resolverán exercicios e/ou problemas coa axuda de software matemático. Estas clases poderán realizarse nunha aula de informática.
— Titorías: sesións nas que se atenderá ao alumnado asistente para discutir, comentar, clarexar ou resolver calquera dúbida/cuestión relacionada co desenvolvemento da materia. O horario destas sesións (6 horas semanais) será fixado polo profesor ao comezo do curso académico.
Coa utilización de plataformas virtuais, cada estudante terá á súa disposición material relacionado cos contidos teóricos desenvolvidos nas clases expositivas. Tamén disporá de boletíns de exercicios propostos para cada tema, e de test de autoavaliación que lle permitan controlar o progreso persoal.
— As metodoloxía anteriormente expostas traballan parte das competencias CG1 CB1 e CB5 que se levan a cabo nesta materia. Tamén se traballa completamente a parte correspondente á competencia CEFB1.
PRIMEIRO PERÍODO DE AVALIACIÓN:
Realizaranse dous tipos de probas/actividades:
Actividades de aula (P1):
Levarase a cabo durante o período de docencia da materia. As datas e horas comunicaranse a través do curso da USC Virtual e na propia aula, cunha antelación mínima dunha semana. Consistirá na realización dunha serie de cuestións/problemas relacionados cos contidos dos tres primeiros temas. A cualificación máxima que o/a estudante pode acadar pola realización destas actividades será de 3 puntos.
Proba final de avaliación (P2):
Celebrarase ao rematar o período de docencia da materia, na data fixada no calendario oficial de exames da Titulación. Consistirá nunha proba escrita na que o alumno deberá responder a una serie de cuestión/problemas relacionados con todos os contidos da materia. O estudante poderá escoller entre as dúas opcións seguintes:
OPCION 1 (ter en conta a cualificación obtida nas actividades de aula): O alumno terá que responder a todas as cuestións/problemas dos Temas 4, 5, 6, 7 e 8 e a un determinado número de cuestións/problemas relacionados cos Temas 1, 2 e 3. A suma das puntuacións parciais de todas as cuestións que deberá responder o estudante neste caso será de 7 puntos.
OPCION 2 (recuperar as actividades de aula): O alumno terá que responder a todas as cuestións/problemas incluídas na
proba. A suma das puntuacións parciais de todas as cuestións/problemas será de 10 puntos (7 da proba final e 3 das actividades de aula).
- A cualificación do alumno nesta proba será a suma das puntuacións obtidas en todas as cuestións respondidas. Obviamente, a
cualificación máxima que pode obter e 7 puntos, se escolle a OPCIÓN 1, e 10 puntos se escolle a opción 2.
A NOTA FINAL DO ALUMNO SERÁ A SEGUINTE:
a) Se o alumno se presenta á proba final e escolle a OPCION 1, NOTA FINAL=Nota P1+ Nota P2
b) Se o alumno se presenta á proba final e escolle a OPCION 2, NOTA FINAL=Nota P2
c) Se o alumno non se presenta á proba final, NOTA FINAL = NON PRESENTADO.
Considérase que non é factible avaliar a consecución dos obxectivos formativos por parte dun estudante que non se presenta á proba final.
SEGUNDO PERÍODO DE AVALIACIÓN (Xullo):
Realizarase un único exame a celebrar na data fixada no calendario oficial da titulación. O exame consistirá nunha proba escrita na que o/a alumno/a deberá responder a unha serie de cuestións/problemas relacionados cos contidos da materia. A nota final será a suma das puntuacións parciais obtidas en todas as cuestións respondidas.
As probas/actividades mencionadas anteriormente avalían o 100% da parte das competencias CG1 CB1 CB5 e CEFB1
Os estudantes repetidores e/ou con dispensa de asistencia a clase, rexeranse por este mesmo sistema de avaliación.
Para os casos de realización fraudulenta das actividades en aula ou probas será de aplicación o establecido na “Normativa de avaliación do rendemento académico dos estudantes e de revisión das cualificacións”.
Traballo presencial na aula:
• Docencia expositiva 36 horas
• Seminarios 12 horas
• Titorías en grupo reducidos 3 horas
• Exame 4 horas
• Total de traballo presencial 55 horas
Traballo persoal:
• Lectura e preparación de temas 72 horas
• Realización de exercicios 12 horas
• Preparación de probas de avaliación 11 horas
• Total de traballo persoal autónomo 95 horas
Asistencia activa ás sesións expositivas e seminarios.
Estudio diario da materia.
Realización dos exercicios propostos de xeito previo á súa corrección na clase.
Asistencia ás titorías para discutir, clarexar ou resolver calquera dúbida.
A lingua vehicular da docencia será o galego.
Duarte Santamarina Rios
Coordinador/a- Departamento
- Matemática Aplicada
- Área
- Matemática Aplicada
- Teléfono
- 982823317
- Correo electrónico
- duarte.santamarina [at] usc.es
- Categoría
- Profesor/a: Titular de Universidade
| Martes | ||
|---|---|---|
| 09:00-10:00 | Grupo /CLE_01 | Aula 13 (Aulario 4) |
| Mércores | ||
| 09:00-10:00 | Grupo /CLE_01 | Aula 13 (Aulario 4) |
| 10:00-11:00 | Grupo /CLE_01 | Aula 13 (Aulario 4) |
| Xoves | ||
| 09:00-11:00 | Grupo /CLE_01 | Aula 13 (Aulario 4) |
| 11.01.2024 10:00-14:00 | Grupo /CLE_01 | 1P Aula 2 Primeira Planta (F. Ciencias) |
| 19.06.2024 10:00-14:00 | Grupo /CLE_01 | FAC. CIENCIAS |
| Docente | Idioma |
|---|---|
| SANTAMARINA RIOS, DUARTE | Galego |
| Docente | Idioma |
|---|---|
| SANTAMARINA RIOS, DUARTE | Galego |
| Docente | Idioma |
|---|---|
| SANTAMARINA RIOS, DUARTE | Galego |
| Docente | Idioma |
|---|---|
| SANTAMARINA RIOS, DUARTE | Galego |