Estatística para as Ciencias Sociais (I)

Proporcionar ao estudante coñecementos básicos de estatística descritiva (univariada e bivariada) e de probabilidade, así como familiarizalo co uso de programas informáticos para a análise estatística de datos.

Introdución á análise estatística dos datos.

Estatística descritiva univariable: Distribución de frecuencias. Técnicas básicas de representación gráfica. Medidas de tendencia central. Medidas de dispersión. Medidas de posición. Medidas de forma da distribución.

Estatística descritiva bivariada. Análise de táboas de continxencia. Correlación e regresión.

Bibliografía básica
- Pardo, A.; M.A. Ruiz; y R. San Martín: Análisis de datos en ciencias sociales y de la salud, volúmenes I y II. Madrid, Síntesis, 2009.

Bibliografía complementaria
- Freedman, D.; R. Pisani; R. Purves; y A. Adhikari: Estadística. Barcelona, Antoni Bosch, editor, 1993, 2ª edición.
- García Ferrando, M.; y M. Escobar. Socioestadística. Introducción a la estadística en sociología. Madrid, Alianza, 2017.
- Hopkins, K.D.; B.R. Hopkins; y G.V. Glass: Estadística básica para las ciencias sociales y del comportamiento. México, Prentice Hall, 1997.
- López Roldán, P.; y S. Fachelli: Metodología de la investigación social cuantitativa. Barcelona, Universitat Autònoma de Barcelona, 2015.
- Moore, D.S.: Estadística básica aplicada. Barcelona, Antoni Bosch, editor, 2005, 2ª edición.
- Morales Vallejo, P.: Estadística aplicada a las ciencias sociales. Madrid, Universidad Pontificia de Comillas, 2008.
- Pardo, A.; M.A. Ruiz; y R. San Martín: Análisis de datos en ciencias sociales y de la salud I. Madrid, Síntesis, 2009.
- Peña, D.: Fundamentos de Estadística. Madrid, Alianza, 2001.
- Ritchey, F.J.: Estadística para las ciencias sociales. México, McGraw-Hill, 2008, 2ª edición.
- Spiegel, M.R.; y L.J. Stephens: Estadística. México, McGraw-Hill, 2009, 4ª edición.
- Triola, M.F.: Estadística. México, Pearson, 2009, 10ª edición.
- Verdoy, P.J.; Beltrán, M.J.; y M.J. Peris: Problemas de estadística aplicada a las ciencias sociales. Castellón, Universitat Jaume I, 2015.- Wonnacott, T.H., y R.J.
- Wonnacott: Introducción a la Estadística, México, Limusa, 1997. 5ª edición.

As establecidas na Memoria do Grao de Ciencia Política e da Administración:

"1.- Conseguir un coñecemento suficiente do tratamento e análise estatístico de datos.
Recoñecer as diversas variables estatísticas e as medidas apropiadas para
o seu procesamiento e análise.
2.- Adquirir competencias no emprego dos recursos estatísticos para facer unha
lectura descritiva dos datos.
3.- Adquirir a capacidade de tirar conclusións dos datos analizados, así como a
formulación de hipótese.
4.-Adquirir uns coñecementos básicos no manexo dos programas informáticos
para a análise de datos cuantitativos".

O curso desenvolverase a través de clases presenciais, xa sexan de carácter expositivo ou teórico ou de carácter interactivo ou práctico. Nas clases teóricas, os profesores expoñerán os contidos básicos de cada tema. As clases prácticas, impartidas na aula de informática, estarán dedicadas á familiarización dos estudantes co uso de programas informáticos para a realización de análises estatísticas e á resolución e corrección de exercicios.

Para a avaliación da materia aplicaranse dous instrumentos:
1. Exame final a realizar na data fixada oficialmente.
2. Exercicios e traballos entregados en datas que se establecerán coa necesaria antelación.
Estes dous instrumentos son complementarios.

Peso na avaliación:
Exame (Parte Expositiva): 50%. Parte Interactiva (Clis: Exercicios, traballos prácticos, asistencia...): 50%.


Para os casos de realización fraudulente de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.

Segundo a Memoria do Grao de Ciencia Política e da Administración, o tempo total de estudo e traballo persoal, incluíndo as horas dedicadas á docencia presencial, é de 150 horas. En todo caso, corresponde a cada estudante determinar canto tempo necesita para preparar a materia e distribuílo do xeito máis adecuado e eficiente entre as distintas tarefas que iso require.

Tendo en conta a natureza da materia, é especialmente recomendable estudar e facer exercicios prácticos de xeito regular e continuado ao longo de todo o semestre, sen esperar ao momento da preparación do exame final.

Tanto o programa como todos os materiais didácticos que se utilizarán durante o curso estarán dispoñibles no Campus Virtual da USC, que se utilizará de maneira habitual na docencia da materia.