Aberta a inscrición para a próxima convocatoria do Certificado de Italiano como Lingua Estranxeira

O prazo de inscrición nas probas do Certificado de Italiano como Lingua Estranxeira (CILS) da Università per Stranieri di Siena permanecerá aberto ata o 17 de outubro. Dende 2007, o Centro de Linguas Modernas da USC colabora no desenvolvemento desta proba como centro examinador en Galicia para os exames CILS, unha certificación que comprende seis niveis. A próxima convocatoria desta avaliación de coñecemento da lingua italiana celebrarase o próximo 4 de decembro na Facultade de Ciencias Políticas e Sociais de Santiago e poderá realizarse para os niveis DUE-B2 e TRE-C1. Na páxina web da Università per Stranieri di Siena www.unistrasi.it toda persoa interesada pode consultarse o manual Le Linee guida CILS e atopar tanto a descrición pormenorizada dos contidos de cada un dos niveis como a descrición das probas. Na mesma páxina web pódense atopar tamén exames de convocatorias pasadas coas súas correspondentes claves e criterios de corrección.