Acto de entrega dos premios da sétima edición do Concurso de Ideas Empresariais Innovadoras da USC

O reitor da Universidade de Santiago, Senén Barro, presidirá este xoves, día 11, o acto de entrega dos premios correspondentes á sétima edición do Concurso de Ideas Empresariais Innovadoras da USC. No acto, a desenvolver a partir das 12:00 horas no Salón Reitoral do Colexio de San Xerome, está tamén prevista a participación do director xeral de Investigación, Desenvolvemento e Innovación, Salustiano Mato de la Iglesia; os vicerreitores de Investigación e Innovación e de Comunidade Universitaria, María José Alonso e José Manuel Mayán, respectivamente; o director xerente do CITT, Carlos Hernández Sande, e o xerente de Unixest, Gustavo marcos.
As ideas premiadas nesta edición do concurso, que pretende promover a creación de empresas e iniciativas de autoemprego na comunidade universitaria, teñen que ver con sistemas de supervisión de contedores frigoríficos, creación de teitos vexetais, posta en marcha dunha televisión ‘on line’ dirixida a persoas con minusvalías e implantación dun servizo de autentificación de especies mariñas.