Seis alumnos da USC acadan o sétimo posto no Campionato Universitario de España de Xadrez

Os alumnos da USC Diego Piay, Julio Torrado, Eduardo García, Iria Ares, Miguel Cabrero, e Daniel Pousada acadaron o sétimo posto no Campionato Universitario de España de Xadrez disputado do 6 ao 10 de maio na Universidade Politécnica de Cartaxena. A Universidade Nacional de Educación a Distancia ocupou o primeiro lugar seguida da institución docente de Oviedo e da Politécnica de Madrid.
Campionato Galego de XadrezPor outra banda, o Club Deportivo Universidade de Santiago escolar xogará esta fin de semana a final galega por equipos en Ourense. Ao mesmo tempo, os xadrecistas do Club Deportivo Universidade de Santiago enfrontaranse este sábado 12 ao equipo Marcote, de Mondariz, na final do Campionato Galego de Xadrez que terá lugar en Vilagarcía de Arousa.
Neste Campionato Galego de Xadrez participarán xogadores con altas puntuacións ELO e con títulos de Grande Mestre (GM) e Mestre Internacional (MI), entre os que destacan o alemán Alexander Graf (GM), o paraguaio Zenón Franco (GM), Diego Suárez (MI), Ángel Paredes (mestre da federación internacional) xunto coas novas promesas galegas Iván Salgado e David Lariño.