Cara a un xornalismo máis sustentable
O proxecto de investigación ‘Sustainable Development Goals in Journalism Reporting (SDGsJR)’ cofinanciado polo Programa Erasmus+ da Comisión Europea cun orzamento de case un millón de euros, quere introducir os Obxectivos de Desenvolvemento Sostibles (ODS) na información periodística mediante un plan de estudos de xornalismo, en liña co desenvolvemento sostible e o aumento dos coñecementos do persoal docente en metodoloxías de ensino baseadas nas TIC. O consorcio está conformado por institucións procedentes de España, Romanía, Luxemburgo, Camboxa, China e Malasia, e coordinado pola USC.
A visita á Universidade de Battambang, en Camboxa, dos investigadores Óscar Rodil Marzábal e Hugo Campos Romero, supuxo unha actualización para todos os socios do estado do proxecto e da súa evolución. Ademais, posibilitou coñecer as instalacións e equipamentos financiados nesta institución universitaria, así como o estado de implementación da actividade central do proxecto que consiste no desenvolvemento nun programa de cursos nas universidades asiáticas participantes, que sexa sostible a longo prazo e estea vinculado ás necesidades do mercado laboral e da sociedade en xeral.
