Charla sobre busca de emprego na Facultade de Psicoloxía

A Área de Orientación laboral e Emprego da USC impartirá este xoves 26 unha charla sobre orientación laboral e busca de emprego ao alumnado de 4º curso de Psicoloxía. Será ás 11.00 horas no salón de actos do centro. Nela proporcionarase información sobre as diferentes alternativas que ten o alumnado unha vez finalizado o grao. Entre outros aspectos falarase sobre os programas de prácticas de iniciación a empresa, a busca activa de emprego e o emprego público.