Charla sobre o papel dos veterinarios nos zoolóxicos

A Facultade de Veterinaria acolle este martes, día 24, unha charla sobre o papel do profesional veterinario nos zoolóxicos, que correrá a cargo do veterinario responsable do zoolóxico de Córdoba e experto en aves e animais exóticos, Pablo Teijeiro López.
O relatorio, que terá lugar ás 17:00 horas no auditorio da facultade, está dirixido a todos os alumnos de Veterinaria interesados no tema, e aos alumnos de 5º curso en particular, sobre todo aos interesados en facer estadías en zoolóxicos.