O director do Centro Nacional de Cultura portugués reflexionou en Filoloxía sobre o patrimonio común da cultura galaico-portuguesa

O director do Centro Nacional de Cultura de Portugal, Guilherme d´Oliveira Martins, pronunciou este martes 9 na Facultade de Filoloxía a conferencia ‘Cultura galaico-portuguesa: identidade, diferenza e patrimonio común’.
Guilherme d´Oliveira Martins é ademais presidente do Tribunal de Contas de Portugal, auditor xeral da Asemblea da Unión Europea Occidental e ex ministro de diversas carteiras en varias lexislaturas portuguesas.
Con anterioridade a súa intervención na facultade compostelá, o reitor Senén Barro recibiu no seu despacho en San Xerome a d´Oliveira Martins, nun encontro no que estiveron acompañados pola vicerreitora de Cultura, Elvira Fidalgo, e pola profesora Isabel Mórán.