Entrega de insignias aos Enxeñeiros Agrónomos na Escola Politécnica Superior de Lugo

O Colexio Oficial de Enxeñeiros Agrónomos de Galicia fará entrega este mércores, día 23, ás 18:30 horas no Salón de Actos Isaac Díaz Pardo da Escola Politécnica Superior de Lugo, das insignias conmemorativas aos novos enxeñeiros agrónomos que se titularon no curso pasado.
No evento participarán o vicerreitor de Coordinación do Campus de Lugo, Carlos Herrero Latorre; o decano do Colexio Oficial de Enxeñeiros Agrónomos de Galicia, Ramón Giménez de Azcarate Cornide; o delegado provincial en Lugo do Colexio Oficial de Enxeñeiros Agrónomos de Galicia, Francisco Javier López González; e o director da Escola Politécnica Superior de Lugo, Javier Bueno Lema.
No mesmo acto tamén serán entregados os premios aos mellores proxectos fin de carreira e estudos técnicos, e o director do Departamento de Enxeñaría e Mantemento da empresa Stolt Sea Farm impartirá o relatorio ‘A acuicultura e o Enxeñeiro Agrónomo’.