A EPS acolle este luns 5 un relatorio sobre criterios de selección de válvulas para instalacións de abastecemento

A Escola Politécnica Superior do campus de Lugo acubillará este luns, a partir das 16.30 horas, o relatorio ‘Criterios de selección de válvulas para instalacións de abastecemento. Utilidades’, que será impartido por Juan Peña e Paulo Pereira, responsables técnicos da empresa NaanDanJain Ibérica.

Esta actividade formativa e de carácter divulgativo está promovida por Javier José Cancela, profesor do grupo de investigación Proxectos e Planificación da USC, en colaboración cos tamén profesores da USC María del Carmen López e Rafael Suárez, da área de enxeñaría hidráulica do Departamento de Enxeñaría Agroforestal. A asistencia a este relatorio, especialmente orientado a estudantes e enxeñeiros/as xa titulados/as, é libre e de balde para todas as persoas que estean interesadas pola temática.