O equipo feminino da USC gañou a medalla de bronce no Campionato de España Universitario de Tenis de Mesa

O equipo feminino da USC, composto polas estudantes Ana Ríos e Olalla Domínguez, conseguiu a medalla de bronce no Campionato de España Universitario de Tenis de Mesa que se disputou do 24 ao 26 de abril na Universidade Politécnica de Cartaxena.
Para participar neste campionato estatal, as dúas alumnas da USC gañaran con anterioridade o Campionato de Tenis de Mesa da Universidade de Santiago celebrado o pasado 16 de marzo no Campus Sur compostelán.