A ETSE celebra o Día da Escola

A Escola Técnica Superior de Enxeñaría celebrou este xoves 6 o seu Día da Escola nun acto que presidiu a vicerreitora de Internacionalización, Almudena Hospido Quintana. Nel, Andrés García‐R odeja, Big Data & Analytics Manager de Hewlett Packard Enterprise, pronunciou o relatorio ‘Big data no teu día a día’.

Previamente, o secretario da escola, José Varela Pet, deu lectura á memoria de actividades do curso 2015-2016, para continuar coa entrega dos premios extraordinarios fin de carreira, aos mellores TFM, TFG e PFC, aos mellores expedientes e á calidade lingüística de TFG. Na mesma cerimonia fíxose entrega dos premios do centro Leonardo á Docencia e á Investigación e o ViAQUA ao mellor TFM no Máster en Enxeñaría Ambiental.