Explican en Económicas a iniciativa empresarial da Asociación Semente de Monforte

A raíz do premio da lotería de Reis que o 6 de xaneiro de 2014 deixou unha choiva de cartos en Monforte, varias persoas agrazadas contactaron co alcalde e outras personalidades relevantes da cidade e crearon a Asociación Semente de Monforte para dalgún xeito facer reverter na sociedade una parte da sorte que recibiron. Esta iniciativa posta en marcha para fomentar o emprendemento empresarial e axudar ao desenvolvemento económico de Monforte e a súa contorna explicarana este xoves 2 na Facultade de Ciencias Económicas e Empresariais o alcalde de Monforte, Severino Rodríguez Díaz, e o empresario Angel Jove Gonzáles, do grupo empresarial Anjoca. A cita, dirixida a toda a comunidade universitaria, será ás 11:00 horas na aula B da Facultade e nela presentarase ademais o I Concurso de Iniciativas Empresariais ‘Semente de Monforte’.