A Facultade de Farmacia entrega os premios dos certames de debuxo e pintura e de literatura en lingua castelá

A Facultade compostelá de Farmacia entregará este venres, día 18, os premios dos certames de ‘Debuxo e pintura’ e de ‘Literatura en lingua castelá nas modalidades de verso e relato’, convocados en conmemoración do 150 Aniversario da creación da Facultade e patrocinados por Alcaliber S. A. e a Farmacia Gómez-Ulla de Santiago.
O acto de entrega, que se desenvolverá ás 13.00 horas no Salón de Grados da Facultade de Farmacia, estará presidido polo decano do centro, José Miñones Trillo, que foi presidente ao tempo dos xurados que avaliaron os traballos.
Asisten ademais os restantes membros dos xurados dos dous certames como os profesores da USC Castiñeiras Campos, Darío Villanueva Prieto e José M. González Herrán; o director do Museo do Pobo Galego, Carlos García Martínez; o profesor Javier Vilariño Pintos; o director de ARTNOTES, Revista de Arte e Cultura, Manuel Nieto García; e o farmacéutico Alejandro Gómez-Ulla Álvarez.