A Facultade de Humanidades de Lugo presenta as actas da VII edición do Curso de Primavera da USC
Os traballos foron recompilados e editados polos profesores Carlos Baliñas e Gonzalo Fernández Suárez
Coincidindo coa inauguración do VIII Curso de Primavera da USC celebrado recentemente na Facultade de Humanidades do Campus de Lugo, tivo lugar a presentación das actas da edición anterior, un volume de cuxa edición son responsables os profesores Carlos Baliñas Pérez e Gonzalo Francisco Fernández Suárez e que leva por título Sub urbem: historia, sociedade e cultura da cidade. O documento recolle un total de dez traballos de investigadores galegos, españois e americanos que se centran, segundo os coordinadores, no mundo “físico, mental e social da cidade” desde unha perspectiva interdisciplinar e que formaron parte do programa da sétima edición do curso, celebrada do 3 ao 6 de maio de 2011.