Os horarios extraordinarios de Nadal nas bibliotecas comezan este mércores

A partir deste mércores 10 e ata o 19 de decembro a sala de lectura da Facultade de Farmacia ampliará o seu horario ata as 00.00 horas. Con esta apertura especial a Universidade de Santiago comeza cos horarios extraordinarios para facilitar o estudo ao seu alumnado ata o mes de febreiro. O calendario reanúdase o 3 de xaneiro coa apertura, ata o 23 dese mes, das bibliotecas Concepción Arenal en Santiago e Intercentros de Lugo de luns a venres de 8:30 a 3:00 horas e as fines de semana de 10:00 a 3:00. Esas salas completaranse tamén ata o 23, aínda que desde o 5, coa de Farmacia –que abrirá as 24 horas– e as de Ciencias Económicas e Empresariais e a Biblioteca Xeral, estas dúas en horario de 10.00 a 22.00 horas. No último período, do 27 de xaneiro ao 20 de febreiro, será de novo a sala de lectura de Farmacia a que estenda o seu horario ata as 00.00 horas.