Mesa redonda sobre as perspectivas actuais e futuras das spin-off na sociedade actual

‘Emprendemento universitario. As spin-off na sociedade actual: perspectivas actuais e futuras’ é o tema que se abordará na segunda sesión dunhas xornadas dedicadas a innovación e emprendemento impulsadas pola Rede de Investigación en Ciencias Sociais (ICIS), constituída o pasado mes de outubro. Na Facultade de Ciencias Económicas e Empresariais a partir das 17.00horas, a mesa contará coa intervención de Tatiana López, de Nanogap sub-nm-powder; Luz Castro, de Imaxin Software; Fernando Souto, de Naffta; e Eva López Barrio, directora de Woman Emprende. A través das súas intervencións, ofrecerán unha panorámica arredor da transferencia da investigación e o coñecemento universitario á empresa, os equipos multidisciplinarios, o éxito e a innovación no sector da roupa deportiva e as particularidades do programa Uniemprende da USC. Cursos de formación para investigadores

O programa de actividades deseñado por ICIS continuará no mes de decembro, os días 15 e 16, cun curso de formación para investigadores a celebrar na Facultade de Ciencias da Educación baixo a coordinación de Ana Porto e José Cajide Val. Ademais, o día 17, os membros dos grupos de investigación da rede reuniranse para tratar as propostas de estratexias de actuación para o vindeiro ano.