Obradoiros didácticos de latín e grego

A Sección Galega da Sociedade Española de Estudos Clásicos (SEEC) que dirixe a profesora Cecilia Criado en colaboración co Departamento de Latín e Grego da USC organiza esta tarde dous obradoiros didácticos impartidos por Fernando Lillo Redonet, profesor de latín e grego, prolífico escritor e prestixioso creador de ferramentas dixitais para a ensinanza e aprendizaxe desas dúas disciplinas.

As temáticas dos obradoiros, dirixidos tanto a profesorado como alumnado, serán ‘Gladiadores’ e ‘Escritura grega’ e desenvolveranse este martes 17 ás 17:00 horas na aula D014 da Facultade de Filoloxía da USC.