Un ouro e dous bronces nos campionatos de España universitarios

O medalleiro da Universidade de Santiago de Compostela continúa crecendo tras a actuación dos deportistas do Club nos distintos campionatos de España universitarios. No celebrado recentemente en Salamanca, o atleta Manuel Hurtado Sanjurjo, da Facultade de Formación do Profesorado de Lugo, fíxose coa medalla de ouro nos dez mil metros lisos, mentres que Paula Ferreirós Fernández, da Escola Politécnica Superior de Lugo, acadou o bronce en salto de altura. No campionato de taekwondo que tivo lugar a finais de abril en Madrid Eugenio Barral Prieto, de Bioloxía, acadou o bronce na categoría de máis de 85 quilos.