O papel dos medios de comunicación no contexto da crise centrou unha nova mesa redonda da iniciativa ‘Na encrucillada’

A iniciativa ‘Na Encrucillada. Universidade en debate’, unha plataforma creada por diferentes colectivos de profesores, alumnos, investigadores e persoal de servizos da USC no Campus de Lugo para analizar e debater a actual situación económica nas súas distintas vertentes, organizou o xoves 19 unha mesa redonda sobre o papel dos medios de comunicación na actual situación de crise económica. No debate, que se celebrou no salón de actos da Facultade de Humanidades, interviñeron o profesor e director de Comunicación da USC, Lois Celeiro; a redactora de La Voz de Galicia na delegación de Lugo, Dolores Cela; a presidenta da Asociación da Prensa de Lugo e redactora de El Progreso, Sabela Corbelle; a xornalista e historiadora Isabel Gómez Rivas; e o director do xornal dixital Praza Pública, Marcos Pérez Pena. A mesa redonda estivo moderada pola escritora e profesora da USC Carmen Blanco. Aínda que esta era a última acción programada inicialmente no marco da plataforma ‘Na encrucillada’, os seus responsables non desbotan a posibilidade de organizar novos encontros de cara ao mes de maio. Toda a información relativa a esta iniciativa pode consultarse no blog http://naencrucillada.blogspot.com.