Presentación do XI Curso de Primavera da USC na Vicerreitoría de Coordinación do campus de Lugo

A vicerreitora de Servizos Universitarios do campus de Lugo da USC, Carme Silva Domínguez; a concelleira de Cultura, Turismo, Xuventude e Promoción da Lingua do Concello de Lugo, Carmen Basadre; o deputado provincial delegado das áreas de Cultura e Turismo da Deputación Provincial de Lugo, Mario Outeiro, e a profesora do Departamento de Historia do Arte da USC na Facultade de Humanidades, Ana Goy Diz, presentarán este xoves, ás 13.00 horas, na sala de prensa da Vicerreitoría de Lugo, o IX Curso de Primavera da USC.

Esta nova edición do curso de primavera da USC, un foro de análise e debate incluído na programación deseñada ao abeiro do convenio Lugo Cultural, no que participan o Concello e a Deputación de Lugo xunto coa USC, desenvolverase do 21 ao 23 de abril na Facultade de Humanidades do campus de Lugo baixo o título ‘IV Centenario da publicación de El Ingenioso Caballero Don Quijote de La Mancha (1615-2015)’.