Presentan este venres o programa do XIX Encontro de Economía Pública

O XIX Encontro de Economía Pública, baixo o lema ‘Políticas Públicas para a saída da crise’, reunirá a finais deste mes a profesores de preto de trinta universidades españolas así como de Melbourne, Galway, Torino, Michoacán, Copenhague, Atlanta ou Maryland, xunto a expertos da Comisión Europea, do Bundesbank, do Banco de España, do Banco Central Europeo ou do Consello de Contas, entre outros.

Os detalles do programa deste encontro presentaraos este venres 13 en rolda de prensa o catedrático e presidente do Comité Organizador Luis Caramés nun acto que principiará ás 11.00 horas no Salón de Graos da Facultade de Ciencias Económicas e Empresariais da USC.