Prezos exclusivos para a comunidade universitaria no encontro do martes entre o Monbus Obradoiro e o Hestia Menorca
USC e Monbus Obradoiro lanzan unha nova promoción especial dirixida á comunidade universitaria, con entradas a prezos exclusivos para o encontro da xornada 20 da Primeira FEB fronte ao Hestia Menorca o martes 10 de febreiro, ás 20.30 horas no Multiusos Fontes do Sar.
Cada persoa poderá adquirir un máximo de dúas entradas nunha promoción que inclúe tres modalidades, limitadas e suxeitas a orde de adquisición. Así, as 100 primeiras serán gratuítas, da 101 á 200 a un custo de 3 euros cada una, e da 201 á 300 a 5 euros, sempre condicionado á capacidade do espazo dispoñible.
Todas as entradas están situadas na Tribuna 2 do Multiusos e para que se aplique o desconto é obrigatorio seleccionar na compra un asento nesa tribuna e empregar o código promocional USC12256. Ademais, no acceso ao recinto é imprescindible presentar a Tarxeta Universitaria de Identidade (TUI).