O reitor Senén Barro celebra os 25 anos da súa promoción de Física

O reitor da Universidade de Santiago, Senén Barro, terá a oportunidade de reunirse este sábado, 8 de maio, cos compañeiros e compañeiras que cursaron con el a carreira de Física na USC e que remataron en 1985.
Barro acudirá non só como participante senón que ademais presidirá o evento que dará comezo ás 12:15 horas cunha foto de familia diante da Facultade de Química. De aí trasladaranse ao Recanto da Saudade, en Campus Vida (fronte ao Sanatorio da Esperanza), para descubrir unha placa conmemorativa do antigo alumnado de Física.
Xa ás 13:00 horas no Salón de Graos do Colexio de San Xerome serán recibidos polo que fora compañeiro seu, o reitor Barro, e de aí farán unha visita polo patrimonio histórico-artístico da USC.