Relacións Laborais celebra este xoves en Lugo unha mesa redonda sobre Seguridade Social

A directora e o coordinador da terceira edición do Curso práctico de Especialista en Seguridade Social, Lourdes Mella e Antonio García, respectivamente, celebran este xoves 12 unha mesa redonda na Escola Universitaria de Relacións Laborais de Lugo. Os temas a tratar serán a pensión de viuvez tras a lei 40/2007, de 4 de decembro: Aspectos xerais, as parellas de feito, os matrimonios homosexuais, os supostos de separación e divorcio e a poligamia.
A charla, que está enmarcada dentro das actividades formativas do curso práctico de Especialista en Seguridade Social, terá lugar no Salón de Actos da Escola, ás 19:00 horas, e a entrada será libre.
Na mesa intervirán como relatores o maxistrado do Xulgado Social nº 1 de Lugo, Fernando Fernández, a maxistrada do Xulgado Social nº 2, Beatriz Martínez, e o maxistrado do Xulgado Social nº 3, Pedro Rabanal.