Sinatura dun acordo de colaboración entre a USC e cooperativas farmacéuticas para a creación da primeira aula de simulación universitaria dunha oficina de farmacia

O reitor Juan Casares e os presidentes de Cooperativa Farmacéutica Gallega (COFAGA), Miguel Reviejo, e de Farmacéutica del Noroeste, Sociedad Cooperativa Gallega (COFANO), Manuel Muradás, asinarán o vindeiro luns 29 un acordo de colaboración para a creación na Facultade de Farmacia da Aula-Farmacia USC-COFAGO-COFANO, a primeira aula de simulación dunha oficina de farmacia nunha universidade pública. Esta aula é un espazo no que se reproducirán as instalacións e equipamentos máis habituais dunha farmacia e no que se desenvolverá a docencia práctica. O acto de sinatura celebrarase nunha sesión protocolaria ás 12.00 horas no Salón Reitoral do Colexio de San Xerome, coa presenza ademais do presidente do Consello Social, Manuel Puga Pereira, da decana da Facultade de Farmacia, Isabel Sández Macho e de representantes dos consellos de dirección das cooperativas farmacéuticas. A Aula dedicarase ao desenvolvemento de actividades tendentes a mellorar a formación teórica e práctica do alumnado da Facultade de Farmacia da USC, pudendo utilizarse, ademais, para a formación práctica dos servizos profesionais desempeñados polo/a farmacéutico/a comunitario/a e a xestión das oficinas de farmacia, así como accións de divulgación relacionadas na USC.