A Sociedade Deportiva Compostela colabora coa USC no prácticum de Psicoloxía

O reitor da Universidade de Santiago, Juan Casares Long, e o presidente da Sociedade Deportiva Compostela, Antonio Quinteiro Canedo, asinaron este mércores un convenio de colaboración para desenvolver o practicum do alumnado de Psicoloxía. A sinatura tivo lugar no Colexio de San Xerome e a ela asistiron tamén o xerente da Fundación USC-Deportiva, Óscar Hermida, e o director deportivo da SD Compostela, Julio Prol. O prácticum consistirá en apoio didáctico a dous estudantes da Facultade de Psicoloxía, quen traballarán directamente cos equipos de categorías inferiores durante unha tempada en tres áreas: cos deportistas, seus pais e os adestradores, potenciando "que a capacidade deportiva vaia acorde coa psicolóxica e persoal", en palabras do psicólogo e director deportivo do equipo, Julio Prol, quen será o titor dos estudantes. Os seleccionados incorporaranse a comezo do segundo cuadrimestre. Este convenio é o único que se realiza cun equipo de fútbol en Santiago de Compostela. Este prácticum estase levando a cabo con outros clubs como o Deportivo da Coruña ou o Celta de Vigo.