A USC será centro colaborador dos certificados de Cambridge English Language Assessment
A Universidade de Santiago, o departamento de avaliación de inglés da Universidade de Cambridge e o Centro Británico asinaron un acordo polo que a USC en cooperación co Centro Británico actuará como centro examinador dos exames oficiais que permiten obter os certificados Cambridge English. Deste modo, a USC convértese en Centro Colaborador Universitario de Cambridge English Language Assessment. O reitor Juan Casares; a directora de Cambridge English Language Assessment en España e Portugal, Elaine Blaus; e o director de Operacións de El Centro Británico Robert P.Musker, asinaron o convenio nun acto no Colexio de San Xerome.
Na xuntanza tamén estiveron presentes o vicerreitor de Relacións Exteriores e Internacionalización, Víctor Millet; a decana da Facultade de Filoloxía, Mª José López Couso; e a directora do Centro de Linguas Modernas da USC, Katerina Vlasakova; ademais do responsable de Desenvolvemento de Negocio para España e Portugal de Cambridge English Language Assessment, Robin Gravina; a consultora para Galicia deste departamento, Adriana Real, e a xestora de exames de Centro Británico, Sandra López. Os certificados que o departamento da Universidade de Cambridge pon a disposición da Universidade son o Cambridge English: Preliminary, First, Advanced, Proficiency, ademais dos Certificados de Coñecemento de Ensinanza (Teaching Knowledge Test) de especial interese para docentes. Con este rango se cobren os principais niveis do Marco Común Europeo de Referencia para as Linguas: do A2 ao C2. Deste xeito, Universidade subliña o seu compromiso co futuro laboral e académico do seu alumnado, xa que os certificados da Universidade de Cambridge atópanse entre os máis recoñecidos por institucións e empresas de todo o mundo. O acordo establece un marco de colaboración para o asesoramento e avaliación da lingua inglesa do que tamén se poderán beneficiar o persoal docente. Deste xeito, o Centro de Linguas Modernas da Universidade compostelá únese ao grupo de centros universitarios que ofrecen os exámenes de Cambridge English e que inclúe a cinco das máis prestixiosas Universidades españolas. Cambridge English Language Assessment Cerca de catro millóns de persoas realizan cada ano os certificados de Cambridge English Language Assessment, departamento da Universidade de Cambridge, presente en 130 países e recoñecido por máis de 12.000 departamentos gubernamentais, universidades e empregadores en todo el mundo. O acordo foi obxecto dunha xuntanza celebrada en San Xerome xunto a representantes do CLM, da Facultade de Filoloxía e da Vicerreitoría de Relacións Exteriores. Foto: Santi Alvite
