A USC e o Concello de Lugo asinarán un convenio de colaboración para o desenvolvemento do Campus de Lugo

A Universidade de Santiago de Compostela e o Concello de Lugo asinarán este mércores, día 6, un convenio de colaboración para o desenvolvemento do Campus Universitario de Lugo. Ambas as dúas institucións establecerán un plan de desenvolvemento e investimento plurianual nos eidos das infraestruturas, urbanismo, docencia e investigación.
A sinatura do convenio celebrarase no Salón de Comisións da Casa Consistorial, ás 11:15 horas, nun acto no que intervirán o reitor da USC, Senén Barro e o alcalde do Concello de Lugo, José López Orozco.