O vicerreitor de Coordinación do Campus de Lugo recibe aos voluntarios do Programa A Ponte

O vicerreitor de Coordinación do Campus de Lugo Carlos Herrero Latorre recibiu este mércores 16 a nove alumnos que colaboraron como voluntarios no desenvolvemento no campus lugués do programa ‘A Ponte, entre o ensino medio e a USC’.
Os estudantes recibiron un pequeno obsequio e o agradecemento de Carlos Herrero pola súa axuda ao participaren como guías para os case cincocentos alumnos dos institutos de secundaria que visitaron o Campus de Lugo pasados meses de febreiro e abril.
O programa ‘A Ponte’ pretende achegar a universidade e os seus servizos aos estudantes de ensino medio e á sociedade en xeral, transmitíndolles información e respondendo a dúbidas que van desde a propia matrícula ou número de prazas por titulacións ata as bolsas ou saídas laborais das diferentes carreiras.