A XXIX promoción de diplomados en Enfermaría celebra este sábado o acto de graduación

A XXIX promoción de diplomados en Enfermaría celebra este sábado, día 17, o seu acto de graduación. Será o vicerreitor de Comunidade Universitaria e Compromiso Social da USC, José Manuel Mayán, quen presida a cerimonia que dará comezo ás 18:00 horas no Auditorio de Galicia. Precisamente o profesor Mayán é, xunto con Pilar Sánchez Sebio, un dos padriños desta promoción.
Intervirán tamén a directora da Escola Universitaria de Enfermaría de Santiago, María Jesús Núñez Iglesias; o presidente do Colexio Oficial de Enfermaría da Coruña, Sergio Quintairos Domínguez; a directora de Enfermaría do CHUS, Begoña Freire Pérez; o subdirector de Enfermaría da Xerencia de Atención Primaria de Santiago, Manuel Vidal Fernández Fernández; e a alumna Aurora Magán Escariz.