A XXVIII Promoción de Diplomados en Enfermaría da USC celebra o seu acto de graduación

A XXVIII Promoción de Diplomados en Enfermaría da USC celebrará este mércores, día 16, o acto de diplomatura dos estudantes que este curso finaliza os seus estudos. O acto, presidido polo vicerreitor de Comunidade Universitaria e Compromiso Social, José Manuel Mayán Santos, celebrarase a partir das 18:00 horas no Palacio de Congresos e Exposicións de Galicia.
Ao acto asisten ademais o director da Escola de Enfermaría do Campus de Santiago, Juan M. Fernández Varela; a directora provincial da Coruña do Servizo Galego de Saúde, Pilar Mata Freire; a directora de Enfermaría do Complexo Hospitalario Universitario de Santiago, Begoña Freire Pérez; o director de Enfermaría da Xerencia de Atención Primaria de Santiago do Servizo Galego de Saúde, Juán José Millán Pérez; e os padriños da promoción, os profesores Julio Brenlla González e Mª Jesús Núñez Iglesias.
O programa deste acto protocolario comezará coa intervención de Noelia Taboada Calviño e Severino Figueiras Lestón, en representación dos estudantes, aos que lle seguirán os padriños da promoción. Deseguido, intervirán Juán José Millán, Begoña Freire, Pilar Mata e Juan Manuel Fernández Varela. Logo da quenda de intervencións, farase entrega de diplomas conmemorativos aos integrantes da promoción. O vicerreitor José Manuel Mayán Santos pechará o acto.